VOV4.K’ho – Tàm dơ\ pơrjum Mpồl đơng lam dà lơgar bè rơcang sơndră kòp Covid-19, Thứ trưởng Bộ Giáo dục mờ Đào tạo, ồng Nguyễn Hữu Độ đơs nền, Bộ Giáo dục mờ Đào tạo neh lơh broă mờ Đà Nẵng, Quảng Nam, Dak Lak mờ 2, 3 tiah ờ hềt bơyai lơh pơrlòng jơh bơsram kấp 3 nam 2020 tài gơ rềng bơh kòp Covid-19, nàng rơcang broă bơyai lơh pơrlòng jơh bơsram kấp 3 dơ\ 2. Kờp du\ lài, pơrlòng dơ\ 2 geh lơh tàm lồi nhai 8 do (kờp du\ lơh tàm ală ngai 29, 30 mờ 31/8).

Tu\ do, Bộ Giáo dục mờ Đào tạo gam pơgồp bal jơh nùs mờ Bộ Y tế, sền gròi nền nòn broă gơlik geh bơh kòp bơ tờp dê nàng mờr tus ngai pơrlòng geh rơndap broă gàr niam ờ do ờ dă pràn kơldang să jan ai cau pơrlòng in, lơh jat jơnau sồr bè rơcang sơndră kòp, gàr niam bơta [uơn ai ală kơ nòm bơsram geh pràn jak in geh mut bơsram tàm ală hìu bơsram đại học jat bơta kơp kờ` mờ pràn jak ngan ngồn he dê.

Cau mblàng K’Duẩn