Drim ngai 2/11, Ƀộ Y tế sơnđờm mŭt pơrjum Khoa họk mờ Kông nghệ rơnàng kơnòm să gah lơh sơnơm dơ̆ 21. Pơrjum dơ̆ do, geh bơta tus bal bơh 42 mpồl lơh broă, tàm hơ̆ geh ală họk viện, hìu bơsram đại họk, Kao đẳng Y Dược gùt lơgar; hìu sơnơm bơh kấp càr, ndrờm mờ kấp càr rlau hơđang, hìu sơnơm ƀòn lơgar bơh khà 2 rlau hơđang mờ ală viện kơlôi sơnơng. Tàm khà 272 jơnau cih khoa họk geh sền, geh 132 jơnau yal mờ dà Mỹ. Do là dơ̆ jờng rơ ală cau pơgru, ală cau khoa họk mờ kwang bàng tàm mờ bơdìh gah lơh broă dê neh geh ală tă pơgồp dờng màng ai broă lơh bơto bơtê bơtàu tơnguh mpồl cau gah lơh sơnơm in.

Ƀộ Y tế yal bè pơrjum khoa họk mờ Kông nghệ rơnàng kơnòm să gah lơh sơnơm

Bơdìh ală dơ̆ sền jơnau yal khoa họk, rơnàng kơnòm să gam bơyai lơh dơ̆ tìp mat cribơyai mờ tơngume “Gơnoar broă bơh rơnàng kơnòm să dê tàm broă lơh tam gơl sồ gah lơh sơnơm” mờ tơlik mat “Ală mpồl cau khoa họk rơnàng kơnòm să gah lơh sơnơm Việt Nam gùt plai ù”. Ală mpồl do geh dong sơlơ tam klăc bal, tơrgùm mpồl cau geh bồ tơngoh jak kơnòm să kơlôi sơnơng y khoa drơng broă ală broă lơh mpồl bơtiàn tàm lơgar mờ tàm dunia