Jăt Anih tờm sền gròi kòp tê jê să (CDC) càr Dăk Lăk yal, bơh bồ nam 2024 tus tŭ do, gùt càr neh gŏ rơlao 300 nă cau gơtìp kòp sốt xuất huyết 15 tàm 15 kơnhoàl, thị xã, ƀòn dờng. Khà cau gơtìp kòp tơrgùm uă ngan tàm ƀòn dờng Buôn Ma Thuột, kơnhoàl Ea Kar mờ Krông Păc.

Jăt jơnau sền gŏ bal, càr Dăk Lăk gam mŭt tàm kàl mìu, do là kàl ƀuơn nàng kòp sốt xuất huyết gơguh pràn mờ di gơlan gơs kòp tàm uă tiah. Ồng Hoàng Hải Phúc, Kwang atbồ CDC càr Dăk Lăk pà git, nàng sền gròi niam kòp sốt xuất huyết, gah lơh sơnơm neh tơnguh broă pơgồp bal ală anih lơh broă yal tơngit nàng lơh pràn broă mblàng yal bè broă rơcang kơrian; tơnguh broă jăt sền kòp tàm càr, sền wơl ală tiah di gơlan gơtìp bè kòp sốt xuất huyết uă nàng di tŭ kơrian.