VOV4.K’ho - Là càr lam lài tàm Tây Nguyên dê bè khà cit sơnơm vaccine rơcang sơndră mờ kòp Kovid-19, càr Dăk Nông neh lơh gơs broă cit ding dơ̆ 2 ai mpồl sơnam bơh 12 tus 17 sơnam in, mờ tŭ do gam mhar cit bơtơl ding dơ̆ 3 ai cau rơlao 18 sơnam in.

                              Khà cau gơtìp chơ̆t tài bơh kòp Kovid-19 ờ uă ngan tàm gùt lơgar

Khà cit sơnơm rơcang sơndră mờ kòp uă neh pơgồp bal tàm broă dong kờl khà cau gơtìp chơ̆t tài bơh kòp Kovid-19 tàm càr Dăk Nông gơwèt tàm mpồl ờ uă ngan gùt lơgar dê. Tus tŭ do, gùt càr neh cit gơs ding dơ̆ 2 sơnơm vaccine rơcang sơndră mờ kòp ai cau bơh 18 sơnam rơlao hờ đang in, mờ cit ding dơ̆ 2 ai kơnòm dềt bơh 12 tus 17 sơnam in geh rơlao 96%. Poh lài, càr neh dờp 110 rơbô ding sơnơm vaccine ală bơta nàng pơn jăt tai cit ding dơ̆ 3 ai làng bol in. Kờp tus ngai 13 nhai 1, càr Dăk Nông neh gŏ geh 6 rơbô 553 nă cau gơtìp kòp Kovid-19, tàm hơ̆ ndrờm neh geh sơm bời kòp; mìng geh 15 nă cau gơtìp chơ̆t.

Cau mblàng Ndong Brawl