VOV4.K’ho- Jơnau yal bơh Hìu sơnơm dờng tiah Tây Nguyên dê, pa gŏ tai dùl nă cau chơ̆t tài bơh kòp sốt xuất huyết Dengue. Do là cau dơ̆ 8 chơ̆t tài bơh kòp sốt xuất huyết tàm nam do tàm càr Dăk Lăk. Cau kòp deh nam 1988, ơm tàm thôn 5, xã Hoà Lễ, kơnhoàl Krông Bông. Lài hơ̆, tàm ngai 25/09, cau kòp duh să uă ngan, jê glar tàm să jan, sơm is kòp tàm hìu mờ sơnơm gơmù duh să. Ngai 28/09, cau kòp gơtuh tă, glar uă, geh hìu bơnhă jun tus Hìu sơnơm kơnhoàl Krông Bông sơm kòp.

Gơ sơ̆t kih dà, lơh sàng goh tiah ơm kis là broă lơh geh kwơ ngan nàng rơcăng sơndră kòp sốt xuất huyết

Tus 8 jiơ mang ngai hơ̆, cau kòp gơbàn kơn jơ̆ ngan mờ geh jun tus Hìu sơnơm dờng tiah Tây Nguên. Tài gơbàn kơn jơ̆ ir, cau kòp chơ̆t tàm ngai 30/09 bal mờ bơta kham kòp pà gŏ: kơn jơ̆ mhar tài bơh aniai lơh sồt mồt uă pròc klung tàm să sốt xuất huyết Dengue ngai dơ̆ 5. Bơh bồ nam tus tŭ do, tàm càr Dăk Lăk neh gŏ 6 rbô 658 nă cau bơtờp kòp sốt xuất huyết, tàm hơ̆ 8 nă cau chơ̆t.

Cau cih VOV Tây Nguyên- Cau mblàng Lơ Mu K’Yến