VOV4.K’ho - Jăt Anih tờm gròi sền kòp tê jê să càr Dăk Lăk yal, tàm càr pa geh gŏ tai dùl nă cau gơtìp chơ̆t tài kòp Kovid-19. Do là cau dơ̆ 2 tàm càr Dăk Lăk gơtìp chơ̆t tài kòp Kovid-19 tàm nhai 10 do. Cau kòp deh nam 1932, kis tàm ƀòn Bắc Trung, xã Ea Tân, kơnhoàl Krông Năng.

Tiah sơm kòp cau gơtìp kòp Kovid-19 tàm hìu sơnơm tiah Tây Nguyên

Lài mờ hơ̆, ngai 03 nhai 10, cau kòp do ơm tàm hìu gơtìp glar tàm să, duh să, bal mờ bơsiă uă den tàng lòt kham tàm hìu sơnơm kơnhoàl Krông Năng, cồng nha xét nghiệm test mhar geh gŏ mờ kòp Sars KoV-2. Kung tàm ngai hơ̆, cau kòp geh cèng sơm kòp Kovid-19 tàm hìu sơnơm tiah Tây Nguyên. Tơnơ̆ mờ 10 ngai sơm kòp, mơya tài sơnam neh dờng bal mờ bơta neh gơtìp gơpừ tài bơh kòl gùng mhàm tơngoh, ờ tơl mhàm mờ ờ hềt cit sơnơm vaccine sơndră mờ kòp Kovid-19, den tàng cau kòp neh gơtìp chơ̆t.

VOV Tây Nguyên – Cau mblàng Ndong Brawl