VOV4.K’ho- Bơh bồ nam tus tŭ do, ƀòn dờng Buôn Ma Thuột git gŏ 12 rbô 304 nă cau kòp Kovid-19, geh mờr nggùl khà cau bơtờp kòp tàm càr Dăk Lăk. Bulah khà cau bơtờp kòp Kovid-19 uă, mơya tài khà geh cit sơnơm vaccine uă (97% làng bol geh cit tơl 2 ding mờ mờr 50% khà cau geh cit 3 ding), den tàng khà cau kòp gơbàn jroă mờ pal jun mut tàm hìu sơnơm ờ uă.

                 Mờr 99% nă cau gơtìp kòp Kovid-19 tàm ƀòn dờng Buôn Ma Thuột geh sơm tàm hìu

Tàm kờp jơh rlau 12 rbô nă cau kòp Kovid-19 sơm tàm hìu, neh geh mờr 4 rbô 700 nă cau bời kòp, mìng geh 22 nă cau gơbàn jroă, geh 0,17%. Jat jơnau pơlam bơh gah lơh sơnơm dê, bulah khà cau kòp jroă pal mut tàm hìu sơnơm ờ uă, mơya làng bol kung ờ gŏ di sền ờ sơp. Làng bol dilah ờ bơtuah bơtờp kòp den bañ kơlôi rơcang ir, jơh tơl nă cau pal lơh jat jơnau sồr 5K, ờ huan lòt rê, ơm rềp mờ uă cau. Tŭ git gŏ ală tềl tơnggŏ lơi bè pràn kơldang să jan pal test kòp Kovid-19 tàm hìu. Dilah cồng nha bơtờp kòp, pal yal mờ mpồl lơh sơnơm tiah he ơm kis nàng geh pơlam sơm kòp.

Cau mblàng K’Duẩn