Dăk Lăk: Kung ờ hềt gơtùi lơh jăt broă blơi phan lơh sơnơm di jăt Nghị quyết sồ 30 mờ Nghị định sồ 07
Thứ năm, 14:46, 23/03/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Ồng Nguyễn Đại Phong, Kwang atbồ Hìu sơnơm dờng tiah Tây Nguyên, tàm càr Dăk Lăk pà git, tus tŭ do, Hìu sơnơm kung gam ờ hềt gơtùi lơh jăt broă blơi sơnơm mờ phan lơh broă, phan lơh sơnơm di jăt Nghị quyết sồ 30 mờ Nghị Định sồ 07 tài kung gam kal ke uă bơta gơrềng tus mờ adăt sră rơwah cau blơi.
Mblàng bè bơta do, ồng Nguyễn Đại Phong đơs là Nghị quyết sồ 30 mờ Nghị định sồ 07 geh ngui ờ di là ală hìu sơnơm geh lơh jăt mơ broă blơi sơnơm bal mờ phan lơh broă, phan lơh sơnơm mờ kung gam pal lơh sră nggal săc rơwah cau tăc bè ờs.
Tơngai lơh jăt ală bơnah phan blơi pal roh bơh 4 tus 6 nhai. Bơdìh hơ̆ tai, tài jơh ală bơta phan lơh sơnơm ndrờm là phan blơi bơh lơgar bơdìh, tàm tŭ do, khà phan do gam gơtìp gơkòl tài gơrềng bơh kòp gơtờp mờ tam lơh, den tàng, bŭ lah neh bơsong bè đah kơrnoăt pal jăt, broă dong kờl, mơya kung gam ờ hềt geh phan nàng blơi sơl.
Viết bình luận