Tơnơ̆ tŭ geh 2 tiah kòp nggù A (H5N1) tàm 2 hìu bơnhă ròng iar ada tàm ù tiah xã Ea Kly, kơnhoàl  Krông Pách, Anih tờm gròi sền kòp tê jê să càr Dăk Lăk neh pơgồp bal mờ gah lơh sơnơm phan ròng mờ gơnoar atbồ tiah do lam lơh uă broă lơh rcang sơn dră nàng kờñ kơryan kòp Nggù A/H5N1 bơtờp uă tàm iar ada mờ pơhìn bơtờp tus kòn bơnus.

Jat hơ̆, Anih tờm gròi sền kòp tê jê să (CDC) càr Dăk Lăk neh lơh dơ̆ lòt sền, bơsong, jat sền kòp nggù tàm kòn bơnus tàm ù tiah xã Ea Kly, kơnhoàl Krông Pách; pơgồp bal mờ Anih lơh broă lơh sơnơm phan ròng mblàng yal ai làng bol in sền gĭt bơta iar ada chơ̆t nisơna mờ sồr làng bol bañ jun pơndiang, lơh poăc, tăc bro, trŭ gơm iar, ada ờ gĭt tiah ròng, ngan là iar ada chơ̆t. Anih tờm gròi sền kòp tê jê să càr kung neh ai mẫu kòp xét nghiệm mờ bơto pơlam làng bol ơm yah ngài is ing, jat sền pràn kơl dang să jan tàm pơgap 21 ngai nàng rcang sơndră broă bơtờp kòp bơh iar ada tus kòn bơnus. Tŭ do, jơh ală mẫu kòp ndrờm ờ bơtờp mờ virus kòp nggù A (H5N1).