Nhai lơh broă geh lơh bơh ngai 15/4 tus ngai 15/5/2023 mờ tơngume “Gàr tơl, gàr sàng goh phan sa tàm bơta pa”. Jat hơ̆, gùt càr rơp sơlơ tơnguh broă mblàng yal, bơto bơtê tơnguh jơnau git wă, git nền kơnòl broă mờ broă lơh bơh ală kâp ủy Đảng, kwang bàng, đảng viên mờ làng bol dê tàm broă gàr tơl, gàr sàng goh phan sa; tơnguh gơnoar broă geh kơnòl bơh ală mpồl bal, cau dùl nă să, mpồl lơh sa kă bro dê tàm broă lơh jat adat boh lam bè sàng goh phan sa; sơlơ tơnguh broă lùp sền, sền sơ wì, jat sền broă lơh gàr tơl, sàng goh phan sa, kràñ cê dră wơl, kơryan, lơh glài kràñ ală mpồl bal, cau dùl nă să, anih lơh gơlik, tac bro phan sa lơh tìs jơnau sồr bè sàng goh phan sa; tơnguh pràn jak rơcang sơndră, rơcang lài bơsong bơta khih phan sa mờ ală bơta kòp bơtờp bơh phan sa; tơrmù ƀà khih tài bơh ngui sa phan ờ niam.

Nam 2022, gùt càr Dăk Lăk gơlik geh 3 dơ̆ khih phan sa mờ 18 nă cau gơbàn khih, 10 nă cau mut tàm hìu sơnơm nàng sơm, ờ geh cau lơi chơt.