VOV4.K’ho - Hìu sơnơm Đại họk Buôn Ma Thuột pơgồp bal mờ Kông ty Gene Solutions bơyai lơh dơ̆ pơrjum ƀăo yal kỹ thuật sền git rơndăp tăp sèng gen nàng dong kờl gŏ kòp ung thư.

                      Kwang đơng lam hìu sơnơm Đại họk Buôn Ma Thuột yal bè broă rơndăp lơh

Do là dùl bơnah tàm broă rơndăp lơh mpồl bơtiàn “Tài dùl lơgar Việt Nam ờ gam ngòt mờ kòp ung thư” mờ Gene Solutions 30 gam geh lơh. 30 nă cau tàm mpồl di gơlan gơtìp uă tàm càr Dăk Lăk geh xét nghiệm ờ sa priă mờ broă lơh do. Hìu sơnơm Đại họk Buôn Ma Thuột neh lơh broă bal mờ Kông ty Gene Solutions tàm broă rơndăp lơh ai mpồl bơtiàn “Tài dùl lơgar Việt Nam ờ gam ngòt mờ kòp ung thư”. Broă rơndăp lơh ngui kông nghệ SPOT-MAS nàng lơh xét nghiệm gen. Do là kông nghệ sinh thiết dà sền gròi 5 bơta kòp ung thư geh uă ngan tŭ do là klờm soh, toh, klờm, pròc ràm mờ klung tàm tơngai gờñ tàm dùl dơ̆ geh ai mhàm mờ ai geh cồng nha gờñ rơlao.

Cau mblàng Ndong Brawl