VOV4.K’ho- Tơngai rềp ndo, pah ngai, Dăk Lăk git gŏ rlau 2 rbô nă cau bơ tờp kòp Kovid-19 tàm jơh 15 kơnhoàl, thị xã, ƀòn dờng. Mìng is ƀòn dờng Buôn Ma Thuột là tiah geh khà F0 uă ngan rlau jơh bơh càr dê, pah ngai git gŏ rlau 1 rbô nă cau bơtờp kòp Kovid-19 tàm mpồl bơtiàn. Uă ngan cau bơtờp kòp bơh 18 tus 45 sơnam, khà kơnòm dềt bơh pa deh tus 11 sơnam bơtờp kòp geh mờr 19%.

Sơm cau kòp Kovid-19 tàm kơnhoàl Krông Buk 

Tềng đap broă gơlik geh kal ke bơh kòp Kovid-19 dê tŭ khà cau bơtờp pa sùm gơguh jơnhua tàm ală ngai do, Dăk Lăk neh sồr ală hìu sơnơm kấp kơnhoàl pờ tai anih sơm cau kòp Kovid-19 in, crơng gơs anih sơm kơnòm dềt bơtờp kòp Kovid-19 jroă tàm hìu E bơh hìu sơnơm dờng tiah Tây Nguyên dê. Mìng is ƀòn dờng Buôn Ma Thuột neh mhar bơ tơl tai cau lơh broă ai ală hìu sơnơm in nàng dong kờl gròi sền, sơm F0 tàm hìu.

Cau mblàng K’Duẩn