VOV4.K’ho- Nàng kờñ sền gàr pràn kơldang să jan ai kơnòm bơsram ơm sa ngai tàm hìu bơsram in, gah Bơto bơtê càr Dăk Lăk gam jơh nùs lam lơh ală broă lơh gàr niam sàng goh niam bơkah phan sa tàm ală hìu bơsram geh bơnhă ồs trŭ gơm biăp piang sa ngai.

Bơnhă trŭ gơm biăp piang sa ngai tàm Hìu bơsram Kâp dùl Ngô Quyền, ƀòn dờng Buôn Ma Thuột

Càr Dăk Lăk tŭ do geh pơgăp 50 rbô nă kơnòm bơsram ơm sa ngai tàm hìu bơsram tàm rlau 180 hìu bơsram. Bơh bồ nam bơsram do, Sở Giáo zụk mờ Đào tạo neh geh sră sồr ală hìu bơsram, anih bơto bơtê geh bơnhă ồs trŭ gơm biăp piang, sơlơ ătbồ sàng goh niam bơkah phan sa. Hìu sa, căng-tin tàm ală hìu bơsram pal geh lơh rơđàih, ha pah, tơl bơta àng, geh mpồng jàl nàng kơryan sơmac, rơhài mờ srah nting. Sở Giáo zụk mờ Đào tạo kung neh pơgồp bal mờ gah lơh sơnơm lòt sền broă lơh jăt ală jơnau sồr bè sàng goh niam bơkah phan sa mờ lam lơh ơm sa ngai ai kơnòm bơsram in. Ală hìu bơsram tŭ lơh bơnhă ồs trŭ gơm biăp piang ơm sa ngai pal geh gah Lơh sơnơm dờp bè cơng tàng sàng goh niam bơkah phan sa.

Cau cih Tuấn Long- Cau mblàng Lơ Mu K’Yến