VOV4.K’ho - Tŭ do, Mpồl lơh sơnơm du nia (WHO) gam sền kòp Kovid-19 là kòp gơtờp uă mờ gam ờ sŭk bè broă di gơlan gam pơn jăt tai geh tai ală bơta tơngŏ pa bơh virus Sars KoV-2.

Tàm lơgar Việt Nam, bŭ lah geh jơnau sồr hòi kòp Kovid-19 là kòp bè ờs mơya jăt uă cau jăk chài gah lơh sơnơm đơs, mìng geh sền jơnau dan do là tŭ jơnau dan do geh dờp. Tàm lơgar he kòp mìng rơ̆p gam geh ală bơta tơngŏ tam gơl đah bàr tơngai kòp gơtờp uă tus mờ tơngai kòp gơtờp gam geh, den tàng ờ hềt gơtùi sền kòp Kovid-19 là kòp bè ờs. Ală cau jăk chài kung đơs là, lơgar Việt Nam pal pơn jăt tai pơgồp bal mờ Mpồl lơh sơnơm dunia kung bè ală mpồl lơh broă dunia mờ ală lơgar ndai sền gròi nền nòn bơta tam gơl bơh kòp Kovid-19. Bơh tŭ hơ̆, hơ̆ sồng gơtùi dan mờ Cíñ phủ ai tơlik kơrnoăt sền kòp Kovid-19 là kòp bè ờs tàm dùl tơngai di pal, mờ di gơlan 6 nhai lồi nam bơta kòp geh niam rơlao hơ̆ sồng sền tus mờ bơta do, ờ gơtùi lời broă rơcang sơndră mờ kòp gơtờp.

Cau mblàng Ndong Brawl