VOV4.K’ho - Jăt anih Gròi sền kòp tê jê să càr Gia Lai yal, tŭ do kòp sốt xuất huyết neh gơtờp pràn tàm jơh 17 kơnhoàl, thị xã, ƀòn dờng mờ 2 rơbô 414 nă cau gơtìp, gơguh rơlao 6 dơ̆ pơn drờm mờ tŭ do nam lài.

                               Hìu sơnơm kơnòm dềt Gia Lai sơm kòp cau gơtìp kòp sốt xuất huyết in

Mìng bơh nhai 6 tus tŭ do, càr Gia Lai neh geh di pơgăp 2 rơbô nă cau gơtìp kòp sốt xuất huyết. ală kơnhoàl geh cau gơtìp kòp sốt xuất huyết uă là Ia Grai, ƀòn dờng Pleiku, Krông Pa, Ia Pa... Kung jăt gah lơh sơnơm càr Gia Lai yal, khà cau gơtìp kòp sốt xuất huyết geh pơn jăt tai gơguh uă tus nhai 10 nam do tài tŭ do geh mìu uă, ù tiah sùh iò, do là tŭ niam ngan là kih dà kis mờ gơs dờng. Den tàng, bơdìh mờ ală broă lơh ngan bơh gah lơh sơnơm tàm broă sơndră mờ kòp sốt xuất huyết den làng bol pal sền gròi rơlao tus mờ broă kloh niam tiah kis, tàm hơ̆ uă ngan là bañ lời dà kờn gùt dar hìu, sơbì phan kờn dà nàng bañ geh khih dà.

Cau mblàng Ndong Brawl