VOV4.K’ho- Tŭ do, kòp sốt xuất huyết tàm càr Gia Lai neh lơh bơtờp tàm jơh ală kơnhoàl, thị xã mờ ƀòn dờng bal mờ 112 tiah bơtờp kòp, 306 nă cau bơtờp kòp, gơguh mờr 60% pơndrờm bal dùl tŭ mờ nam 2021, tàm hơ̆ geh 1 nă cau chơ̆t. Hìu sơnơm Kơnòm dềt Gia Lai pà gĭt, bơh bồ nhai 5 tus tŭ do, hìu sơnơm neh dờp sơm kòp 46 nă cau bơtờp kòp sốt xuất huyết in. Jăt jơnau đơs bơh gah lơh sơnơm dê, ală cau bơtờp kòp gơguh pràn bơh nhai 5 tus tŭ do.

Tơngai do là tơngai mìu mờ tơngai geh bal là tŭ niam ngan nàng sơmack Dengue in deh dờng mờ rơ̆ rài. Jăt tơngai gơ wơl wơl den digơlan nam 2022 pơhìn bơtờp uă kòp sốt xuất huyết tàm ù tiah càr Gia Lai là uă ngan. Sở Y tế càr Gia Lai sồr làng bol pal lơh ngan lơh jăt jơnau pơlam bơh gah lơh sơnơm dê, ngan là lơh niam broă lơh sàng goh tiah ơm kis, geh bè hơ̆ den hơ̆ sồng broă lơh rơcăng sơndră kòp sốt xuất huyết tàm càr dê lơh geh cồng nha.

Cau mblàng Lơ Mu K’Yến