VOV4.K’ho- Tàm 1 nhai pa do, kòp sốt xuất huyết tàm ù tiah càr Gia Lai gơlik geh kal ke ngan mờ khà cau bơtờp kòp gơguh mhar. Jat Anih tờm gròi sền kòp tê jê să càr Gia Lai yal, kờp jơh ală cau bơtờp kòp sốt xuất huyết bơh bồ nam tus tŭ do neh gơguh tus 2 rơbô 821 nă (tàm hơ̆ geh 1 nă cau chơ̆t). Kòp sốt xuất huyết gơlik geh tàm 131/220 xã, sơnah ƀòn, thị trấn bơh jơh ală kơnhoàl, thị xã, ƀòn dờng dê.

Gia Lai tuh jơh dà tàm ală phan gơ kờn dà nàng kih dà in ờ tiah kis

Sở Y tế càr Gia Lai pà gĭt, kòp sốt xuất huyết geh gam pơn jat tai gơlik geh kal ke tàm tơngai tus, kờp dŭ kòp uă ngan gơ ơm tàm nhai 8 mờ nhai 9 tus. Den tàng bè hơ̆, tơn jơh tiah deh tăp mờ tiah ơm kis bơh sơmăc mờ gơ sơ̆t kih dà là broă mờ ală hìu bơnhă kờñ pal lơh sùm tàm broă lơh rcang sơndră kòp sốt xuất huyết.

Cau mblàng K’Hạnh