Jat jơnau yal tàm pơrjum, tàm nam 2022 (kờp tus ngai 30 nhai 10), jơh gùt càr Gia Lai neh bơyai lơh dơ̆ lam lơh geh 84 dơ̆ pà mhàm dong kờl is, cồng nha dờp geh rlau 18 rơbô kơldung mhàm, lơh geh 120% broă jàu broă rơndap lơh geh jàu. Tàm hơ̆, hìu sơnơm dờng càr Gia Lai neh dờp rlau 14 rơbô 600 kơldung mhàm mờ Hìu sơnơm Quân y 211 dờp rlau 3 rơbô 300 kơldung mhàm. Geh 416 kơldung mhàm jal mhar neh geh ai di tŭ ai ală hìu sơnơm in nàng sơm kòp ai cau kòp in. Tàm nam 2023, Mpồl đơng lam hòi jà pà mhàm dong kờl is càr Gia Lai pơnđơl pràn lơh ngan dờp geh rlau 16 rơbô kơldung mhàm. Mờ pơn đơl pràn lơh ngan geh khà cau pà mhàm dong kờl is geh bơh 95 tus 97%; khà cau pà mhàm is lòt pà mhàm wơl geh rlau 75% mờ khà khà kờp làng bol tus pà mhàm is ndrờm bal lơh geh 1,1% khà kờp làng bol.