VOV4.K’ho - Jơnau yal bơh Anih tờm gròi sền kòp tê jê să ƀòn dờng Hà Nội pà git, ngai òr (20/02), tàm ƀòn dờng Hà Nội gŏ geh 5 rơbô 102 nă cau gơtờp mờ virus Sars-KoV-2, tàm hơ̆ geh 1 rơbô 518 nă cau tàm mpồl bơtiàn.

UɃÑZ ƀòn dờng Hà Nội jào UɃÑZ ală quận, kơnhoàl, thị xã đơng lam ală xã, sơnah ƀòn, thị trấn dờp kơnòl bơyai lơh gròi sền mờ tơlik măt ală hìu geh cau tàm mpồl di gơlan gơtìp kòp. Hơ̆ là cau neh geh kòp lài di gơlan gơtờp uă, cau bơh 65 sơnam rơlao hờ đang, cau ùr geh bun, cau ờ hềt cit tơl sơnơm vaccine rơcang sơndră mờ kòp Kovid-19 tàm cau bơh 18 sơnam rơlao hờ đang. Ală tiah ai bơh tàm khà măt cau gơwèt mpồl cau di gơlan gơtìp uă tàm ƀòn lơgar nàng prăp gàr khà xét nghiệm mhar kháng nguyên, đơng lam ală mpồl lơh broă gơrềng bal bơyai blơi phan xét nghiệm kháng nguyên nàng lơh jăt broă xét nghiệm sền gròi kòp.

Cau mblàng Ndong Brawl