VOV4.K’ho- Jăt jơnau yal bơh Mpồl đơng lam rơcăng sơndră kòp Kovid-19 bơh Ủy ƀan Jơi bơtiàn dê, tơrgùm kờp bơh tơnơ̆ dơ̆ ơm rlô sa tềp bơhiàn dà lơgar tus tŭ do, jơh gùt lơgar geh 66 rbô 460 nă cau jơi bơtiàn kòn cau dùl êt nă cau gơtìp bơtờp kòp Kovid-19.

Mùl màl, tiah đah jum măt tơngai mŭt dà lơgar geh rlau 5 rbô 200 nă, tiah tàm gùl lơgar mờ Tây Nguyên geh pơgăp 16 rbô 300 nă, ƀòn dờng Hồ Chí Minh mờ tiah ring đah jum măt tơngai lik dà lơgar geh rlau 42 rbô 500 nă...Bulah ală tiah neh ngui uă broă lơh nàng gơdờp bal, ờdo ờdă, ngac ngar mờ gròi sền kòp bơtờp, mơya broă gơlik geh neh gơrềng tus rài kis làng bol dê bơh jŏ sùm neh kal ke tŭ do sơlơ kal ke rlau tai. Bè jŏ jòng, uă tiah tìp kal ke tàm broă bơsong broă lơh ai cau lơh broă in, ngan là cau lơh broă hìu bơnhă rƀah, làng bol jơi bơtiàn kòn cau dùl êt nă cau gơtìp gơrềng bơh kòp Kovid-19 jŏ jòng.

Cau mblàng Lơ Mu K’Yến