Ngai 13/08, jơh gùt càr Lâm Đồng neh cih dờp mờr 4 rơbô nă cau bơtờp kòp rang, gơguh rlau 3 rơbô 800 nă pơndrờm dùl tŭ bal mờ nam lài. Ală kòp jơng- tê- bơr, kòp mprơm gơlik mhàm kung gơguh uă tàm ală poh pa do, mờ kờp jơh khà cau kòp dơ̆ dồ dơ̆ cih dờp là mờr 1 rơbô 600 nă mờ rlau 2 rơbô 700 nă, tàm hơ̆ geh 1 nă cau chơ̆t tài bơh kòp mprơm gơlik mhàm.

Anih duh broă Làng bol càr Lâm Đồng neh sồr Sờh Lơh sơnơm mờ ală Sờh, mpồl, gah broă, ƀòn lơgar rcang, kràñ cê jơh nùs sồr lơh, lam lơh geh cồng nha ală broă lơh rcang, kơryan kòp; gàr niam mpồl lơh broă, sơnơm tơm ba, dà sơnơm, măi mok gah lơh sơnơm mờ phan bơna ai broă lơh do in. Anih duh broă Làng bol càr Lâm Đồng jàu Sờh Lơh sơnơm in đơng lam, pơgồp bal mờ ală mpồl lơh broă geh gơrềng mờ ală sàh, sơnah ƀòn, tiah is ồn rcang lài lam ală mpồl lòt sền, jat sền, dong kờl broă lơh rcang, kơryan kòp tàm ală mpồl lơh broă, ƀòn lơgar; di tŭ yal, sồr đơs mờ Anih duh broă Làng bol càr sền sơ wì, đơng lam gơwèt mờ ală tơngume sơr lèt mờ gơnăp gơnoar.