Tŭ do, kờp bal pah poh, càr Lâm Đồng gĭt gŏ rlau 70 nă cau bơtờp kòp sốt xuất huyết. Tơnguh jơh khà cau bơtờp kòp sốt xuất huyết tàm jơh gùt càr gơguh tus 1 rbô 200 nă, gơguh rlau bàr dơ̆ pơndrờm bal dồ tŭ mờ nam lài. Tàm khà do, geh 4 nă cau gơbàn kơn jơ̆ mờ 01 nă cau chơ̆t.

Ồng Vũ Đức Nhuần, Phó Củ tịc Ủy ƀan Ñân zân kơnhoàl Di Linh pà gĭt, kòp sốt xuất huyết tàm kơnhoàl gam gơguh pràn mờ sơrlèt rlau mờ jơnau yal lài kòp bơtờp, bal mờ rlau 300 nă cau kòp geh gĭt gŏ tàm 47 tiah. Den tàng bè hơ̆, broă lơh rơcăng lài rơcăng pleh mờ kòp sốt xuất huyết gam geh kơnhoàl lam lơh jơh nùs. Càr Lâm Đồng neh geh jơnau tơngkah lài bè jơnau pơhìn bơtờp uă kòp sốt xuất huyết tàm ù tiah càr dê mơkung hòi jà làng bol tơngguh uă bơta gĭt wă lơh jăt ală broă lơh rơcăng lài pleh bơtờp kòp sốt xuất huyết.