Dơ̆ pơrlòng gơ hòi gơ jà rlau 40 hìu bơsram mầm non tàm 10 kơnhoàl, ƀòn dờng càr Kon Tum dê tus bal. Tơl mpồl pơrlòng geh 3 nă cau, tàm pơrlòng tàm 2 bơnah pơrlòng jơnau gĭt wă mờ lơh jat. Bơnah pơrlòng bơta gĭt wă, ală mpồl lơh dơ̆ trŭ phan sào sa ai kơnòm dềt mầm non in jat jơnau yal nền nòn phan trŭ gơm, broă trŭ gơm phan sa. Bơnah trŭ gơm phan sa, ală cau pơgru mờ cau trŭ gơm phan sa pràn bơkah bơh tơl mpồl dê tơn trŭ gơm 10 bơnah phan sa klo ngai mờ sào sa trồ mho ai kơnòm dềt in mờ giă priă 20 rơbô đồng dùl dơ̆ sa tàm dùl ngai. Ală phan sa pal gàr niam tơl 4 mpồl phan sa: tàm hơ̆ geh: chất đạm, phan lơmă, phan ƀòk mờ vitamin.

Dơ̆ pơrlòng là dơ̆ nàng kwang bàng atbồ, cau pơgru, cau lơh broă tàm ală hìu bơsram mầm non in tìp mat bal, tam pà bơta chài broă lơh; lơh jat niam bơta bơceh pa tàm dơ̆ sào sa ai kơnòm dềt in, bè broă geh broă sào sa, bơnah phan sào sa, phan sa pah ngai, jat poh, jat kàl, bơh hơ̆, dong sac rơ wah geh uă phan sa bơkah, nàng dơ̆ sào sa bơh kơnòm dềt dê in sơlơ li la uă mờ gàr niam bơta pràn bơkah.