VOV4.K’ho- Jơnau yal bơh Sở Giáo zụk mờ Đào tạo càr Kon Tum dê yal ngai 02/3/2022 pà git, jơh gùt gah do gam geh 3 rbô 78 nă kơnòm bơsram mờ cau pơgru là F0. Mùl màl tàm khà do geh 416 nă kwang bàng, cau pơgru, cau lơh broă mờ 2 rbô 662 nă kơnòm bơsram là F0. Tàm hơ̆ kấp 2 là kấp geh uă F0 ngan rlau jơh mờ 1 rbô 302 nă oh, êt ngan rlau jơh là kấp mầm non 256 nă.

Tŭ jiơ lik nhơl bơh kơnòm bơsram Hìu bơsram Kâp dùl Đăk Pxi, kơnhoàl Đăk Hà, càr Kon Tum dê

Tŭ do bulah geh tus 3 rbô 78 nă kơnòm bơsram mờ cau pơgru là F0, mơya jơh ală hìu bơsram tàm càr Kon Tum kung gam lam lơh broă lơh bơto bơsram tơn gơ wèt tus mờ jơh ală kấp bơsram mờ khà kơnòm bơsram lòt bơsram tơn là 86%. Mìng geh 2, 3 hìu bơsram tam gơl gơs bơsram pờ tơlik tàm internet nàng rơcang sơndră kòp. Mùl màl ai gŏ broă gròi sền jơnau lơh bơtờp kòp Kovid-19 tàm ală hìu bơsram tàm càr Kon Tum, ngan là tiah jơi bơtiàn kòn cau dùl êt nă cau gơtìp uă ngan kal ke.

Cau mblàng K’Duẩn