VOV4.K’ho- Lơh jăt jơnau sồr mờ jơnau bơto pơlam bơh Ƀộ Y tế mờ Ủy ƀan Ñân zân càr dê bè broă sơlơ lam lơh cĭt vaccine Abdala kòp Kovid-19, Sở Y tế càr Kon Tum pà gĭt, geh lơh sir gơs broă cĭt vaccine do ai làng bol in tàm nhai 2 nam do.

Cĭt vaccine kòp Kovid-19 ai làng bol xã Ia Chim in

Nàng lơh jăt geh jơnau kờñ do, ngai 09/02, Sở Y tế càr Kon Tum geh sră pơyua Anih tờm Gròi sền Kòp bơtờp mờ Hìu sơnơm 10 kơnhoàl, ƀòn dờng bơh càr dê, sồr sơlơ lam lơh jăt broă cĭt vaccine Abdala kòp Kovid-19 ai làng bol in. Jơnau yal bơh Sở Y tế càr Kon Tum dê pà gŏ, kờp tus ngai 07/02/2022, gah lơh sơnơm tiah do neh cĭt geh 27 rbô 956 ding vaccine Abdala kòp Kovid-19 tàm kờp jơh 45 rbô ding geh pà mờ khà cĭt tơl ding pal cĭt bơh vaccine Abdala dê rơ̆p mìng pa lơh geh 61%. Tŭ do, khà ding vaccine Abdala kòp Kovid-19 càr Kon Tum gam wơl là 13 rbô 890 ding.

Cau mblàng Lơ Mu K’Yến