VOV4.K’ho- Ủy ƀan Ñân zân càr Kon Tum neh ring bal mờ jơnau sồr bơh Sở Y tế mờ Sở Tài cíñ dê ơm ing broă dong kờl priă jền ai Mpồl lơh broă mpồl bơtiàn rơcang sơndră kòp Kovid-19 in.

Jat hơ̆, sơn đờm bơh ngai 15/02/2022, ală mpồl lơh broă mpồl bơtiàn rơcang sơndră kòp Kovid-19 bơh càr Kon Tum dê geh ờ gam geh dong kờl priă jền tai. Bal mờ hơ̆, ală mpồl lơh broă do kung geh tơrmù jơnau sồr lơh kơnòl broă. Lài hơ̆, bơh ngai 15/7/2021, càr Kon Tum lam lơh broă dong kờl priă jền lơh broă ai Mpồl lơh broă mpồl bơtiàn rơcang sơndră kòp Kovid-19 mờ khà 80 rbô đông tàm dùl nă cau tàm dùl ngai. Khà cau geh dong kờl bơh tơl mpồl dê ờ rlau 1 nă cau pah ngai.

Cau mblàng K’Duẩn