VOV4.K’ho- Jat jơnau đơs bơh Sở Y tế càr Kon Tum dê, pơhìn bơtờp kòp Kovid-19 mờ kòp sốt xuất huyết lơh gơlik bơta kòp tàm rơndap rơndồl tàm tiah do dê gam là uă ngan.

Kon Tum lơh pràn broă lơh cĭt sơnơm vaccine rcang sơndră kòp Kovid-19

Bơh bồ nam tus tŭ do gùt càr geh mờr 47 rơbô nă cau bơtờp mờ virus Sars- KoV 2. Gùt càr kung geh 93 tiah kòp sốt xuất huyết, mờ 393 nă cau bơtờp kòp. Bơta pal kơlôi rcang ngan là tŭ do làng bol geh nùs nhơm sền ờ sơ̆p mờ ờ rcang sền ngăc mờ ờ pơn jat tai lòt cĭt sơnơm vaccine rcang sơndră kòp Kovid-19 mờ tơngai cĭt vaccine tơngkah wơl ai mpồl cau bơh 12 sơnam rlau hơđang in gam lơyài. Gơwèt mờ kòp sốt xuất huyết làng bol gam ờ rcang sền ngăc, ờ sền dờng màng broă rcang sơndră kòp. Gah lơh sơnơm càr Kon Tum gam lơh ngan lơh ală broă lơh rcang sơndră kòp nàng tơrmù ƀà bơta pơhìn gơlik geh bơta kòp tàm rơndap rơndồl, tàm hơ̆ lơh pràn broă lơh cĭt sơnơm vaccine rcang sơndră kòp Kovid-19 mờ broă lơh gơ sơ̆t kih dà, lơh sàng goh tiah ơm kis nàng rcang sơndră kòp sốt xuất huyết.

Cau mblàng K’Hạnh