VOV4.K’ho- Là càr geh pơhìn gơtìp kòp rang dồ lơh bơtờp, lơh jăt jơnau sồr mờ bơta bơto pơlam bơh Ƀộ Y tế dê, gah lơh sơnơm càr Kon Tum neh rơcăng lài lam lơh ală broă lơh rơcăng lài mờ sơndră wơl. Lơh jăt jơnau bơto pơlam bơh Ƀộ Y tế dê, gah lơh sơnơm càr Kon Tum neh sơlơ tơnguh broă lơh jăt sền nàng kờñ sền gŏ gờñ ală cau bơtờp kòp rang dồ tàm kòn bơnus.

Bal mờ hơ̆ geh ală broă pơlam lơh bè bơsong, ai dùl êt phan nàng sền gĭt kòp mờ ai ơm yah ngài tŭ geh cau bơtờp kòp. Gơwèt mờ ală cau pin gơtìp bơtờp kòp rang dồ, anih lơh broă lơh sơnơm geh mhar bơsong tiah geh kòp mờ pơyau bơta kòp tus hờ Viện Vệ siñ dịc tễ Tây Nguyên in xét nghiệm nàng geh cồng nha gờñ ngan rlau jơh. Ƀák sĩ cuyên khoa II ồng Đỗ Ngọc Hoà, Phó Kwang ătbồ Sở Y tế càr Kon Tum pà gĭt, là càr geh pơhìn gơtìp bơtờp kòp rang dồ lơh bơtờp, gah lơh sơnơm càr Kon Tum gĭt nền pal rơcăng lài sơndră wơl mờ lơh jăt niam tơn bơh broă rơcăng sơndră lài kòp.

Cau mblàng Lơ Mu K’Yến