VOV4.K’ho - Tàm Tây Nguyên, kòp kovid-19 gam gơguh mhar tàm càr Dăk Lăk mờ càr Lâm Đồng. Jăt Anih gròi sền kòp tê jê să càr Dăk Lăk yal, kờp bơh 4 jơ mho ngai 21 nhai 2, gùt càr neh gŏ geh 988 nă cau gơtờp kòp kovid-19 pa mnờ 3 nă cau gơtìp chơ̆t.

          Dùl mpồl cau dong kờl sơm kòp F0 tàm hìu tàm càr Dăk Lăk gam rơcang sơnơm mờ khàr oxy

Kờp tàm 1 poh pa do ngan, càr Dăk Lăk kung neh gŏ cau gơtờp uă ngan bơh lài tus tŭ do mờ 4 rơbô 145 nă. Jơh ală kơnòm bơsram mầm non mờ kơnòm bơsram bơh kấp 1 tus ơdŭ 6 neh ơm ờ lòt bơsram tàm hìu bơsram, rê wơl mờ broă bơsram tàm internet mờ ală broă bơsram ndai.

Tàm càr Lâm Đồng, kòp kovid-19 kung gơguh mhar mờ 2 rơbô 364 nă cau gơtờp tàm poh pa do, tàm ngai 21 nhai 2 geh tai 3 nă cau gơtìp chơ̆t. Sở Y tế càr Lâm Đồng neh geh sră nggal đơng lam hìu sơnơm ală kơnhoàl, ƀòn dờng tàm càr do dan mờ UɃÑZ ai ngui lơh broă mơ ală hìu sơnơm ntrờn, crơng gơs ală mpồl cau sền gàr cau gơtờp kòp kovid-`19 tàm mpồl bơtiàn nàng pơgồp bal mờ gah lơh sơnơm sền gàr niam ai ală cau kòp in.

Cau mblàng Ndong Brawl