VOV4.K’ho- Kờp bơh bồ nam tus tŭ do, càr Gia Lai geh rlau 6 rơbô 400 nă cau kòp tàm 287 tiah kòp sốt xuất huyết tàm jơh gùt ală xã, sơnah ƀòn, thị trấn; neh geh 1 nă cau chơ̆t. Tàm nhai 9 pa do, khà cau bơtờp kòp sốt xuất huyết gơguh nisơna, mờ rlau 2 rơbô 400 nă cau. Ală tiah geh cau bơtờp kòp pa uă ngan là kơnhoàl Đăk Pơ, ƀòn dờng Pleiku, kơnhoàl Krông Pa... Ală hìu sơnơm tơrgùm tơl bơta pràn nàng gàr niam broă sơm kòp ai cau kòp sốt xuất huyết in.

Cau kòp gam geh sơm kòp sốt xuất huyết tàm Hìu sơnơm ƀòn dờng Pleiku

Jat Sở Y tế càr Gia Lai, càr neh kờp dŭ là geh ală bơta bơtờp kòp sốt xuất huyết geh gơguh uă tàm nhai 9 mờ nhai 10 tài bơh do là tơngai trồ mìu, trồ tơngai duh tàm bơrlŭ bal ƀuơn ngan ai sơmăc in deh rơ̆ rài. Sở Y tế càr neh sồr ală mpồl lơh broă tơrgùm lam lơh broă rơndap lơh gròi sền kòp mờ broă lơh sơm kòp bơh tàm ƀòn lơgar tơn.

VOV Tây Nguyên- Cau mblàng K’Hạnh