VOV4.K’ho- Ngai 04/8, mò Đào Hồng Lan, Kwang atbồ ing Ƀộ Y tế lơh kwang atbồ mpồl neh geh dơ̆ lơh broă mờ càr Dăk Lăk. Jat jơnau yal, tàm ală nam do, broă lơh kham sơm kòp tàm càr Dăk Lăk neh geh ală tam gơl loh làng ngan, hìu sơnơm kâp hơ đơm neh geh sền gròi, pơgồp bơnah kuơmàng ngan tàm broă lơh gròi sền kòp bơtờp bơh kâp hơ đơm.

Kwang atbồ ing Ƀộ Y tế mò Đào Hồng Lan đơs tàm dơ̆ lơh broă

Bè broă lơh rơcang sơndră kòp bơtờp, tŭ do Dăk Lăk gam geh mờr 40 bơta kòp bơtờp, tàm hơ̆ geh 10 kòp gơmù, 2 kòp gơguh uă, 27 kòp ờ tam gơl pơndrờm mờ bal dùl tŭ nam 2021. Tàm hơ̆, 2 bơta kòp bơtờp gam geh broă gơlik geh kal ke là Kovid-19 mờ kòp sốt xuất huyết. Đơs tàm dơ̆ lơh broă, mò Đào Hồng Lan đơs là, broă gơlik geh bơta kòp bơtờp dê gam geh ală gơlik geh kal ke, den tàng gơnoar atbồ càr pal pơn jat tai đơng lam nền nòn tàm broă lơh rơcang sơndră kòp bơtờp, pleh lời gơlik geh bơta kòp bơtờp gơ tàm rơndap rơndồl. Bè broă lơh cit sơnơm vaccine kơryan kòp Kovid-19, Dăk Lăk gam là 1 tàm 4 càr geh khà cit ding tơngkah wơl lơyah ngan rlau jơh gùt lơgar, den tàng càr pal sơlơ tơnguh rlau tai broă lơh mblàng yal nàng làng bol in dùl nùs tus bal cit sơnơm vaccine.

Cau mblàng K’Duẩn