Mpồl neh tus còp Hìu sơnơm dờng tiah Tây Nguyên, Hìu sơnơm Thiện Hạnh mờ Viện Vệ sinh Dịch tễ Tây Nguyên.

Ala mat Kwang đơng lam bồ Tỉñ ủy, Phó Ƀí thư Tỉñ ủy ồng Y Biêr Niê cih dờp, jờng rơ uă ngan cồng nha lơh broă bơh ală mpồl lơh broă dê tàm tơngai pa do, ngan là broă lơh jat kơnòl broă rcang sơndră geh cồng nha kòp Kovid-19 jài mơkung gàr niam broă sền gròi pràn kơl dang să jan ai làng bol in. Mơkung kơ̆p kờñ ală kwang bàng, y, ƀák sĩ, cau lơh broă gah lơh sơnơm pơn jat tai pơnđơl pràn lơh ngan, bơsong kal ke, tơnguh uă bơta chài lơh broă ờs mờng nàng sền gròi pràn kơl dang să jan làng bol in niam rlau tai. Gơrềng tus broă ờ tơl sơnơm mờ phan bơna măy mok gah lơh sơnơm dê lơh kal ke tàm broă lơh mờ ală Hìu sơnơm dà lơgar tàm càr gam gơtìp, kwang đơng lam bồ Tỉñ ủy càr Dăk Lăk đơs nền rơ̆p cribơyai broă nàng bơsong.