VOV4.K’ho- Càr Lâm Đồng gam lơh pràn broă cĭt sơnơm vaccine rcang sơndră kòp Kovid-19 jơh bal mờ ngai ơm rlô lồi poh mờ di dơ̆ ơm rlô pa do. Tŭ do càr Lâm Đồng geh pơgap rlau 130 rơbô ding vaccine ờ hềt cĭt. Pleh mờ bơta sơnơm vaccine do gơ ơm tàm bơta jơh tơngai ai ngui, den càr Lâm Đồng sồr gah lơh sơnơm càr dê đơng lam ală mpồl lơh broă geh gơrềng mhar lam cĭt sơnơm vaccine rcang sơndră kòp Kovid-19 ai làng bol in kờp jơh bal tàm ală ngai ơm rơlô lồi poh mờ dơ̆ ơm rlô dà lơgar.

Lâm Đồng gam sơlơ tơnguh broă cĭt sơnơm vaccine rcang sơndră kòp Kovid-19 ai kơnòm dềt in

Tàm hơ̆, tơrgùm cĭt tơl ding bơh sơn rờp ai kơnòm dềt bơh 5 tus hơđơm 12 sơnam in, lơh sir gờñ broă cĭt ding dơ̆ 3 ai cau bơh 12 sơnam rlau hơ đang mờ cĭt ding dơ̆ 4 ai làng bol bơh 18 sơnam rlau hơđang in... Gàr niam dơ̆ cĭt sơnơm vaccine rcang sơndră kòp Kovid-19 do geh lơh sir lài mờ ngai 15/09 tus. Jat ồng Nguyễn Văn Bôn, Phó Kwang atbồ Hìu sơnơm kơnhoàl Đơn Dương, càr Lâm Đồng yal, dùl mpồl làng bol gam rơngòt tàm broă ai kơnòm dềt lòt cĭt sơnơm vaccine rcang sơndră kòp Kovid-19, den tàng mpồl lơh broă gam pơgồp bal mờ gơnoar atbồ ƀòn lơgar ai ală mpồl mblàng yal tus tơl tiah làng bol ơm kis nàng hòi jà.

Cau mblàng K’Hạnh