VOV4.K’ho- Ràu kloh khuẩn mờ dà jùt ràu ờs mờng bè khàr rơ sềt jùt ràu kloh niam ngan ngui lài; halà klài dà jùt ràu kloh hìu jă brê hìu bơnhă geh pơgăp 5% Sodium Hyboclorit jăt khà 10 mili lít dà jùt ràu mờ 1 lĭt dà tờm nàng gơ gơs dà geh tơl pràn gơ sơ̆t virus; halà dà geh 0,05% clo hoạt tíñ; halà dà geh êt ngan rlau jơh bơh 70% angkol. Mìng klài dà tơl ngui tàm ngai. Tơngai ơm yah ngài tơnơ̆ tŭ lơh kloh khuẩn êt ngan rlau jơh là 10 phuk.

- Ai lài lơh kloh khuẩn bơh broă jùt ràu, ngui sơprồm tê mờ kau su, chèu tŭ lơh, jùt ràu lơh kloh khuẩn.

- Ală anih ƀơ̆ pal geh lơh sàng goh mờ sơƀong mờ dà lài mờ tŭ lơh kloh khuẩn.

- Lơh kloh khuẩn êt ngan rlau jơh là dùl dơ̆ dùl ngai gơwèt mờ ală anih: bơnàng hìu, kơlik hìu, kƀàng, cơghế, phan ngui, anih geh pơhìn ơm rềp mờ tiah jă brê.

- Lơh kloh khuẩn ết ngan rlau jơh là 2 dơ̆ dùl ngai gơwèt mờ ală anih geh ơm rềp sùm, bè tê kwan mpồng, tê kwan kai ntùng, tê dră tê nrèng, anih tơl iă kai ntùng măy, kông tăc đèng, ƀàn phím măy tíñ, phan pờ bơh ngài, điện thoại ngui bal. Tơn chơ̆t ală phan ngui, kông tắc đèng lài mờ tŭ jùt ràu lơh kloh khuẩn, niam ngan rlau jơh là ngui angkol nàng lơh kloh khuẩn.

- Ai tơl thùng prăp sồ siă geh bơlnŏp ndơl, ơn tàm anih ƀươn.

- Lơh jăt broă khòm tơrgùm, bơsong sồ siă tuh bơdìh pah ngai jăt jơnau sồr.

Jăt Ƀộ Y tế- Cau mblàng Lơ Mu K’Yến