Mpồl Cữ thập đỏ càr Dăk Lăk pơgồp bal mờ ală mpồl dong kờl pà rơndeh chồl mờ tê, rơndeh pơrlac ai cau kuet kơlte in
Thứ bảy, 10:03, 05/11/2022
VOV Tây Nguyên/ Cau mblàng K'Duẩn
VOV Tây Nguyên/ Cau mblàng K'Duẩn
VOV4.K'Ho- Ngai 04/11, Mpồl Cữ thập đỏ càr Dăk Lăk pơgồp bal mờ Kes priă dong kờl mpồl bơtiàn Đinh Thiện Lý (ƀòn dờng Hồ Chí Minh) bơyai lơh jàu pà rơndeh chồl mờ tê, rơndeh pơrlac ai cau kuet kơlte tàm càr in.
167 nơm rơndeh chồl mờ tê, 19 nơm rơndeh pơrlac mờ 3 nơm bơr nơ̆ tàp lòt kờp priă rlau 323 tơlak đông geh jàu tus 189 nă cau kuet kơlte tàm càr Dăk Lăk. Do là broă lơh cèng bơta niam chài uă ngan, dong cau kuet kơlte geh rơndeh rơndồ, phan bơna lòt rê, ƀuơn rlau tàm rài kis pah ngai. Càr Dăk Lăk tŭ do geh mờr 78 rbô nă cau kuet kơlte, tàm hơ̆ geh 22 rbô 236 nă cau gam geh dờp broă dong kờl mpồl bơtiàn.
5 nam do, Mpồl Cữ thập đỏ càr neh hòi jà, pơgồp bal jàu pà geh 589 rơndeh chồl mờ tê, rơndeh pơrlac ai cau kuet kơlte in. Broă lơh do geh ală kâp Mpồl pơn jat tai lam lơh tàm tơngai tus, nàng kờñ dong uă cau kuet kơlte geh tai bơta pràn nàng sơrlèt gan kal ke, brồ guh tàm rài kis.
Viết bình luận