VOV4.K’ho - Jăt Mpồl đơng lam dà lơgar lam sồr ai mhàm dong kờl is nam 2022 yal, gùt lơgar lơh ngan dờp geh 1 tơlăk 480 rơbô kơl dung mhàm; khà cau ai mhàm is là 99%; khà cau ai mhàm dong kờl tai geh bơh 50 tus 53%; khà kờp làng bol ai mhàm ndrờm bal là 1,5%.

Phó Củ tịc Mpồl Cữ thập đỏ Việt Nam ồng Trần Quốc Hùng pà git, nàng lơh geh jăt jơnau kờñ lam sồr ai mhàm dong kờl is mờ dờp geh 1 tơlăk 480 rơbô kơl dung mhàm tàm nam 2022, Mpồl cữ thập đỏ Việt Nam-Anih lơh broă sùm bơh Mpồl đơng lam dà lơgar lam sồr ai mhàm dong kờl is neh đơng lam mpồl đơng lam, Mpồl Cữ thập đỏ ală kấp rơcang lơh rơndăp broă di pal mờ broă kờñ ngui gơwèt mờ tơl kấp, tơl gah lơh broă; pơgồp bal mờ anih lơh broă dờp mhàm ring bal tơngai bơyai lơh ai mhàm mờ dờp mhàm ndrờm bal tàm nam. Lài jơh là lơh jăt niam broă lơh “lơh chờ nam pa phồng” nam 2022.

Cau mblàng Ndong Brawl