VOV4.K’ho - Ngai òr (21/02), Jơdŭ lơh broă Cíñ phủ neh tơlik jơnau yal jơnau đơs pơn dŭt bơh Phó Thủ tướng Cíñ phủ ồng Vũ Đức Đam tàm pơrjum pờ tơlik tàm internet gùt lơgar bè bơta pờ mpồng hìu bơsram tàm ală càr, ƀòn dờng.

Jăt mờ hơ̆, Phó Thủ tướng ồng Vũ Đức Đam sồr Ƀộ Y tế mhar bơ̆t bơtàu rơndăp broă cit sơnơm vaccine ai kơnòm dềt bơh 5 tus hờ đơm 12 sơnam in; tơlik jơnau bơto sồr broă xét nghiệm, tam cah is gơwèt mờ kơnòm dềt, kơnòm bơsram gàr niam broă lơh di pal, khoa họk; bơto sồr sền gròi bơta pràn kơl dang să jan kơnòm dềt, kơnòm bơsram gơtìp kòp lài, geh bơta bè bơta pràn kơl dang să jan tŭ gơtờp kòp; sền wơl kơrnoăt bè tơngai tam cah is tàm hìu gơwèt mờ kơnòm dềt, kơnòm bơsram là F1 gàr niam broă lơh di pal. Ƀộ Giáo dục mờ Đào tạo pơn jăt tai bơyai lơh, tơnguh, lơh gơs ală gùng dà broă bơto bơsram pờ tơlik tàm internet, bơh anih sơnđio rùp bè dùl broă lơh kwơ màng tàm broă lơh jăt broă tam gơl pa broă bơto bơtê mờ bơsram.

Cau mblàng Ndong Brawl