VOV4.K’ho - Kòp Kovid-19 lời wơl tus 203 bơta, tàm hơ̆ uă ngan là ală bơta tơngŏ bè tă nhơm. Hơ̆ là jơnau yal geh đơs tus tàm Pơrjum khoa họk sơm kòp bơta tơngŏ tơnơ̆ mờ kòp kovid-19 mờ broă pơgồp bal y họk kổ truyền mờ y họk pa dơ̆ sơnrờp geh Hội Đông Y Việt Nam bơyai lơh tàm drim ngai òr (30/03), tàm Hà Nội.

Tơngai do, Hội Đông Y Việt Nam neh tơrlòng sơm kòp mờ y họk kổ truyền ai 900 nă cau gơtìp kòp kovid-19 in bơh tàm tơngai sơnrờp. Cau kòp dềt ngan 3 sơnam, dờng ngan 90 sơnam. Cồng nha ờ geh cau lơi gơtìp jroă. Bơh tàm bơta mùl màl sơm kòp pơpồp bal đah y họk kổ truyền mờ y họk pa ai cau kòp kovid-19 in, Tiến sĩ Trần Quốc Hùng, Kwang atbpồ hìu sơnơm Y họk kổ truyền Hà Nội yal: ală cồng nha do geh dong kờl Hội Đông Y Việt Nam ring bal ală broă bơto sồr sơm kòp geh tơngŏ bơh kòp Kovid-19 mờ y học kổ truyền pơgồp bal mờ y họk pa.

Cau mblàng Ndong Brawl