VOV4.K’ho- Mờ gùng dà broă lơh “drơng tàm hìu, bơcri priă tàm xã”, Ngân hàng chính sách xã hội càr Dak Nông neh lơh jăt broă ai priă tus [òn lơgar nàng dong kờl làng bol [uơn tàm broă tìp, geh tơl bơta tơnguh bơtàu lơh sa hìu nhă.

Geh pơnrơ là tàm kơnhoàl tiah nhàr dà lơgar Dak Song, do là tiah geh 27 jơi bơtiàn kòn cau ơm kis bal, priă càn sa priă cồng ờ uă neh pơgồp bal tàm broă dong kờl làng bol brồ guh klàs mờ rơ[ah, ring niam rài kis.

Nam pa do, hìu nhă ồng Ngô Văn Tưởng, kis tàm mpồl [òn 4, thị trấn Đức An, kơnhoàl Dak Song neh klàs mờ hìu rơ[ah. Ồng pà g^t, hìu nhă geh 1 lồ 4 sào ù tam kơphe, tiêu, mơya să tờm gơtìp kòp tê jê să sùm, den tàng broă lơh sa gơtìp kal ke.

Priă càn bơh Ngân hàng Chính sách xã hội neh dong kờl làng bol lơh broă sa kơnhoàl Dak Song sơrlèt mờ kal ke

Bơtoah ngan geh priă càn sa priă cồng ờ uă bơh ngân hàng chính sách xã hội dê, mờ ală kòn ồng geh tơl priă nàng mu\t bơsram đại học, hìu nhă ồng kung geh bơta pràn brồ guh.

Mìng geh khà priă do là geh ai càn sa priă cồng ờ uă, nàng he bơcri tàm broă lơh sa suơn sre nền nòn rơlao. A` càn bơh 2 tus 3 dơ\ bloh, hơ\ sồng sơdar bal, tơm jơh hơ\ sồng càn tai. Di lah ờ geh bè hơ\, den hìu nhă a` ờ tơnguh bơtàu jai. Di lah a` ờ gơtìp kòp tê jê să den kung tơnguh bơtàu rơlao ngan sơl.

Kung kơnờm mờ geh càn priă bơh Ngân hàng chính sách xã hội, mờ hìu nhă lo\ Trần Thị Hoa, kis tàm mpồl [òn 4, thị trấn Đức An, neh sơrlèt mờ tơngai kal ke tu\ khà priă phan geh lơh bơh broă lơh sa gơmù gam ờ uă ngan:

A` càn khà priă 70 tơlăk đong, a` bơcri tàm broă tam pa kơphe mờ sền gàr tiêu. Mờ khà priă do den đơs bal là broă tơm priă cồng pah nhai kung ờ kal ke ir mờ hìu ndrờm mờ rơ[ah bè a` dê. Kuang bàng lơh broă tàm ngân hàng den kung geh dong kờl uă ngan sơl mờ ai tơl bơta niam lơh broă [uơn ngan.

Ală cau tàm hìu rơ[ah, hìu ndrờm mờ rơ[ah kis tàm kơnhoàl Dak Song geh tìp mờ priă càn sa priă cồng ờ uă [uơn ngan là kơnờm bơh ală mpồl ai càn priă tềm pềr bơh ală mpồl lơh broă tàm kơnhoàl do dê.

Mò Doãn Nguyễn Tây Xuyên, Phó kuang atbồ anih lơh broă tàm kơnhoàl Dak Song bơh Ngân hàng chính sách xã hội càr Dak Nông pà g^t, mờ gùng dà broă “drơng tus tàm hìu, bơcri priă tàm xã”, ngân hàng neh lơh jăt broă ai priă tus tơl xã nàng dong kờl làng bol [uơn tàm broă càn, geh tơl bơta pràn tơnguh bơtàu broă lơh sa hiòu nhă. Tu\ do, tàm kơnhoàl Dak Song geh rơlao 9 rơbô 100 hìu geh tìp mờ ală broă ai càn priă sa priă cồng ờ uă mờ kờp jơh khà priă jơnah dồs 413 tơmàn đong, mìng là hìu rơ[ah, hìu ndrờm mờ rơ[ah mờ hìu pa klàs mờ rơ[ah in.

Anih lơh broă geh 205 mpồl tềm pềr ai càn priă geh 9 tàm 9 xã. Bơh broă lơh do tàm xã pah nhai, den ngân hàng geh tus dờp sră, k^ mờ ai broă bơcri priă tàm 1 ngai pah nhai. Ală hìu làng bol càn priă den geh mpồl tềm pềr ai càn rơwah mờ lơh sră ai càn tơn tàm [òn, ai tơl bơta [uơn ngan nàng ală cau in geh càn priă sa priă cồng ờ uă.

Bal mờ broă ai càn, ai tơl bơta [uơn nàng ală cau in geh tìp mờ priă càn sa priă cồng ờ uă, ală cấp, mpồl lơh broă tàm kơnhoàl Dak Song gam sùm còp să, lam sồr, bơto sồr làng bol tàm broă tam phan, ròng phan, ngui priă di broă lơh, gàr niam geh cồng nha. Kuơ màng là gơwèt mờ làng bol kòn cau, broă lơh jơh nùs bơh kuang bàng tàm xã neh rơhời lơh tam gơl nùs nhơm kơlôi sơnơng tàm broă lơh, lam sồr nùs nhơm brồ guh is bơh ală hìu rơ[ah dê. Lo\ H’ Tuyết, hìu rơ[ah kis tàm [òn Yang Bơ, xã Trường Xuân, kơnhoàl Dak Song đơs:

Pa do dà lơgar sền gròi ai càn 50 tơlăk đong nàng bơcri tàm broă tam kơphe. Den hìu nhă ờ khin sa ờ di gùng ờ di dà ờ, mờ ngui priă blơi sơntìl, phơng sih, măi lơh broă mờ ding [ồm dà, hơ\ sồng sền gàr kơphe mờ kung pal ơpah tai cau lơh broă. Tu\ do, rài kis gam ờ tơl uă ngan, den hìu nhă geh lơh ngan brồ guh, mờ kung kơ\p kờ` dà lơgar sền gròi dong kờl tai.

Bal mờ broă lơh jăt ndrờm bal ală broă dong kờl, broă lơh jăt jơnau kờ` bơh dà lơgar dê, priă càn sa priă cồng ờ uă bơh Ngân hàng chính sách xã hội geh lơh di tu\ tus di cau, neh pơgồp bal tàm broă dong kờl kơnhoàl tiah nhàr dà lơgar Dak Song, do là tiah geh tus 27 jơi bơtiàn kòn cau ơm kis bal, geh cồng nha tàm broă tơmù khà hìu rơ[ah tu\ do mìng gam hờ đơm 6%.

Nam 2021 do, ală cấp, ală gah lơh broă bal mờ làng bol ală kòn cau kis tàm kơnhoàl Dak Song gam pơn jăt tai ai jơh pràn, dùl nùs bal lơh ngan drơng gàr rài kis ngai sơlơ hờm ram mờ gơboh gơbài.

Cau cih Minh Huệ-Cau mblàng Ndong Brawl