VOV4.K’ho - Pơn jăt tai broă pơrjum, drim òr (03/11), Quốc hội cri bơyai tàm hìu pơrjum dờng bè cồng nha lơh jăt broă tơnguh bơtàu lơh sa mpồl bơtiàn mờ kes priă dà lơgar nam 2020; rơndăp broă tơnguh bơtàu lơh sa mpồl bơtiàn, kờp du\ kes priă dà lơgar, gùng dà broă tam pà kes priă dà lơgar nam 2021.

Tàm bơta tiah tàm gùl lơgar pa gơtìp dà cò, tơrlah ù uă ngan, uă kuang bàng đơs tus mờ bơta kuơ màng bơh broă lơh sa suơn sre là “bơta dong kờl” bơh broă lơh sa mpồl bơtiàn.

Ală kuang bàng đơs là, kòp Covid-19 mờ bơta tung lơtang lơh sa tàm tiah do lài mờ hơ\ neh ai go\ broă lơh sa suơn sre sùm là bơta dong kờl, “dong klàs” bơh broă lơh sa dê.

Gah lơh sa suơn sre lơgar Việt Nam neh mờ gam geh gơnoar kuơ màng gơwèt mờ broă tơnguh bơtàu dà lơgar tàm tơngai do.

Pah nam khà lơh sa sùm gơguh, nam 2019 geh rơlao 41 tơmàn dolar Mỹ, mờ nam do kơ\p kờ` sơrlèt mờ khà geh ai tàm nam 2019.

Cau mblàng Ndogn Brawl