VOV4.K’ho – Ngai òr 9/6, Quốc hội lời dùl ngai cribơyai tàm hìu pơrjum bè đơs bơtơl cồng nha mu\t lơh broă rơndăp lơh bơtàu tơnguh lơh sa- mpồl bơtiàn mờ kes priă dà lơgar nam 2016; broă mu\t lơh broă rơndăp lơh bơtàu tơnguh lơh sa- mpồl bơtiàn mờ kes priă dà lơgar ală nhai bồ nam 2017.

Ală kuang bàng đơs niam ngan bơta lơh ngan jơh nùs mờ tam gơl pa pràn ngan bơh Chính phủ dê, uă broă geh bơta tam gơl uă ngan, mơkung ring bal mờ jơnau yal bơh Chính phủ dê yal tàm dơ\ pơrjum bal mờ uă cồng nha, khà kờp bơtàu tơnguh pin dờn mờ bơta niam bơh rài lơh sa dê.

Mơya, uă kuang bàng sồr jơnau yal kờn pal lơh loh bàr pe bơta bè tơnguh jơnhoa bơta niam mờ khà priă bơh phan lơh gơs bơh sươn sre. Ồng Đoàn Văn Việt, Kuang bàng Quốc hội càr Lâm Đồng sồr: Chính phủ kờn pal geh gùng dà broă lơh pràn dong kờl lơh ròt khà priă, lơh gơlik bơta tam gơl tàm broă lơh sa mờ kă bro phan lơh gơs bơh sươn sre, dong kờl lơh sa sươn sre dờng, do là broă kuơmàng nàng bơsong jơnau kal ke khà priă phan lơh gơs bơh sươn sre.

Mơkung geh tơngume gùng dà broă lơh loh làng jat tàm bơta lơh bal 4 gah, rơndăp ù tiah tam phan tơl nàng gơhòi gơ jà công nghiệp lơh gơlik ală bơta phan lơh gơs bơh sươn sre.

Cau cih mờ yal tơngi\t-Lơ Mu K’ Yến