VOV4.K’ho- Ngai do 13/6, Quốc hội lời jơh dùl ngai cribơyai bè Jơnau yal lơh sa – mpồl bơtìan mờ Kes priă dà lơgar, ring bal kờp du\ tơn jơh dơ\ ngui kes priă dà lơgar nam 2018. Lài hơ\, cribơyai tàm mpồl bè tơngume do, uă Kuang bàng Quốc hội neh đơs song là: ờ gơtùi lơh geh broă lơh gơguh lơh sa bơh 6,8 tus 7% tàm nam do bè jơnau kờ` neh ai. Mờ Kes priă dà lơgar kờp du\ kung geh gơmù uă ngan. Do là ală jơnau gơ lời wơl tài bơh kòp dờng Covid-19 lơh gơlik.

Bơdìh hơ\, ală kuang bàng kungsồr 6 nhai lồi nam pal tềm pềr broă ngui kes priă, tềm pềr ngan priă dơ\ ngui sùm, sơlơ tơnguh ai càn priă bơcri dà lơgar geh tơngume tờm kuơ màng. Geh gơ rềng tus kơnòl broă ai càn priă bơcri dà lơgar, kung tàm dơ\ pơrjum cribơyai tàm mpồl bè jơnau yal lơh sa mpồl bơtìan mờ kes priă dà lơgar, Thủ tướng Chính phủ ồng Nguyễn Xuân Phúc đơs nền, Bộ lơi, tiah lơi ờ lơh niam den geh ntrờ` priă bơcri lòt tiah ndai, mờ kung lơh glài kơnòl broă sơl.

Cau mblàng K’ Hạnh