VOV4.K’ho – Pơn jat tai pơrjum dơ\ 9, ngai 9/6, Quốc hội iat sră yal mờ cribơyai bè broă tam gơl gùng dà bơcri pria\ lơh 2, 3 gơl gùng rơndeh ntoat rat  tàm gơl gùng tiah đah tô – đah jum dà lơgar đah mat tơngai lik tơngai bơh nam 2017 tus nam 2020.

Jat sră yal, Chính phủ yal Quốc hội sền sơ wì tam gơl gơs bơcri pria\ dà lơgar gơ wèt tus mờ 3 rơndap broă lơh dềt, geh: Vĩnh Hảo – Phan Thiết, Mai Sơn – Gùng rơndeh 45 mờ Phan Thiết – Dầu Giây; 5 rơndap broă lơh dềt gam wơl pơn jat tai bơcri pria\ jat broă lơh PPP. Kờp jơh pria\ bơcri tam gơl là 100 rbô 816 tơmàn đông. Tàm hơ\: pria\ bơh kes pria\ dà lơgar pơgap 78 rbô 461 tơmàn đông; pria\ hòi jà bơcri bơdìh mờ kes pria\ dà lơgar là 22 rbô 355 tơmàn đông.

Sền sơ wì wơl bè broă tam gơl gùng dà bơcri pria\ rơndap broă lơh 2, 3 gơl gùng rơndeh ntoat rat tàm gơl gùng đah tô – đah jum dà lơgar đah mat tơngai lik tơngai bơh nam 2017 tus nam 2020, Chủ nhiệm Ủy ban Kinh tế bơh Quốc hội dê ring bal mờ bơta kuơmàng pal tam gơl gùng dà bơcri pria\ rơndap broă lơh mờ ring bal tam gơl 3 rơndap broă gơs bơcri pria\ ngui 100% pria\ bơcri dà lơgar.

Cau mblàng K’Duẩn