VOV4.K’ho – Pơn jat tai pơrjum dơ\ 3, Quốc hội kơnă XIV, mho òr 29/5, Quốc hội lơh broă tàm hìu pơrjum iat Yal loh làng, iat kơno, lơh tam gơl wơl Rơndăp lơh Adat Nhơl chờ (tam gơl) mờ cribơyai bè rơndăp lơh Adat do. Pơn jat hơ\, iat kơno jơnau đơs tă pơgồp bơh kuang bàng dê, Ủy ban Thường vụ Quốc hội neh sồr bơtơl bàr pe gùng dà broă lơh krơi is bè nhơl chờ mơkung lơh tam gơl wơl rơndăp cih Adat kờn lơh gơs adat boh lam Nghị quyết sồ 08 bơh Bộ Chính trị dê bè bơtàu tơnguh nhơl chờ gơ gơs là gah lơh sa kuơmàng.

Rơndăp cih Adat Nhơl chờ mìng cih broă lơh gơtìp kơryan ờ ai, ai broă lơh glài geh lơh jat jơnau cih bơh ală adat gah broă lơh ờs mờng ndai geh gơrềng bè Adat Lơh glài lơh tìs mờ priă, Adat Lơh glài ku\p jàm…Sền bal, ală broă lơh gơtìp kơryan ờ ai lơh tàm Bơta 9 rơndăp cih Adat neh geh bal jơh uă tơngume, ring bal mờ jơnau cih bơh Sơnoa boh lam nam 2013 dê tàm bơta pal jat sền dờng màng gơnoar kòn bơnus, gơnoar làng bol tàm lơgar, mờ lơh geh bơta ring bal, dùl ròt bal bơh ală kơrnoat boh lam dê.

           Cau cih mờ yal tơngi\t-Lơ Mu K’ Yến