VOV4.K’ho - Pơn jăt tai broă pơrjum dơ\ 9, drim òr (18/6), Quốc hội cri bơyai bè rơndăp broă adăt tam gơl, bơtơl ờ uă bơta tàm adăt bơsong tìs sră nggal. Lài mờ pơrjum, tu\ ai jơnau đơs pơgồp bal bè rơndăp broă adăt do, ală kuang bàng đơs là: rơndăp broă adăt geh ai tơnguh lơh glài uă ngan tàm ờ uă gah broă ờ hềt mùl màl mờ ờ geh nùs nhơm kờ` kơrian.

Pơn drờm mờ adăt bơsong tìs sră nggal tu\ do, rơndăp broă adăt tam gơl jăt broă tơnguh jăt khà lơh glài mờ priă uă ngan bơh 10 gah broă.

Bè gah broă gùng lòt pơn diang phan tàm ù gờl mờ sơndră mờ bơta ờ niam mpồl bơtiàn bơh 40 tơlăk đong tus 75 tơlăk đong; cơ yếu, atbồ mờ sền gàr tiah nhàr dà lơgar, bơto bơtê bơh 50 tơlăk đong tus 70 tơlăk đong; Sền gàr cau ngui sa bơh 100 tơlăk đong tus 200 tơlăk đong; gah sră [ăo bơh 100 tơlăk đong tus 250 tơlăk đong mờ kă bro ù lơh hìu, hìu ơm bơh 150 tơlăk đong tus 500 tơlăk đong…

Mơya, ală jơnau đơs bơh kuang bàng là: rơndăp broă adăt geh ai tơnguh khà priă lơh glài uă ngan tàm ờ uă gah broă gam ờ loh làng, ờ mùl màl mờ ờ geh nùs nhơm kờ` kơrian.

Cau mblàng Ndong Brawl