VOV4.K’ho- Jat Nghị quyết bơh Ủy ban Thường vụ Quốc hội dê bè kờp du\ khà, rơndap tap sèng kuang bàng Quốc hội khóa 15, khà kuang bàng gah ling klàng digơlan là 33 nă. Tàm hơ\, Bộ trưởng Bộ Quốc phòng gơ wèt rơndap tap sèng Chính phủ, anih lơh broă gơ wèt Chính phủ; anih lơh broă bộ, ală quân khu, quân chủng mờ gah kuơmàng là 12 nă kuang bàng. Khà kuang bàng ling klàng tàm kấp hơ đơm jat rơndap tap sèng ai tơlik lài là 14 nă. Bơdìh hơ\ tai, 6 nă kuang bàng ling klàng geh Ủy ban Thường vụ Quốc hội yal tơnggit pồ kuang bàng lơh broă sùm, rơndap tap sèng at ală gơnoar broă bơh Quốc hội khóa 15 dê.

Tus tu\ do, Văn phòng Bộ Tổng tham mưu mờ Văn phòng Bộ Quốc phòng neh bơyai lơh ai jơnau đơs cau te\ khà mờ ală cau geh yal tơnggit tơlik mat te\ khà. Cồng nha, ală kuang bàng ring bal yal tơnggit Thượng tướng Phan Văn Giang, Ủy viên Bộ Chính trị, kuang atbồ Tổng tham mưu ling klàng làng bol Việt Nam, Thứ trưởng Bộ Quốc phòng mờ Thượng tướng Nguyễn Tân Cương, Ủy viên Đảng dà lơgar, Thứ trướng Bộ Quốc phòng tus bal tơlik mat te\ khà kuang bàng Quốc hội khóa 15.

Cau mblàng K’Duẩn