VOV4.K’ho - Tơnơ\ mờ 3 ngai lơh broă sùm, geh kơnòl uă, mho òr (15/6), Quốc hội neh lơh gơs broă lùp mờ hơ jơnau lùp – do là 1 tơngu me kuơ màng ngan tàm pơrjum dơ\ 3 dê, hòi jà geh broă sền gròi bơh gal cau te\ khà bal mờ làng bol gùt lơgar. Dơ\ lùp mờ hơ jơnau lùp do pơn jăt tai geh dờp ală tam gơl pa kuơ màng tàm broă lơh Quốc hội dê.

 Bu\ lah tơnguh tai tơngai lùp mờ hơ jơnau lùp, mơya broă lùp mờ hơ jơnau lùp ờ geh tơnguh tai, ai tơngai ală kuang bàng tàm Chính phủ in tus bal mblàng uă rơlao, lơh loh làng ală tơngu me mờ kuang bàng tàm Quốc hội sền gròi.

Tàm dơ\ lùp mho ngai òr (15/6), ồng Trương Hoà Bình, Phó Thủ tướng Chính phủ hơ tơn ală jơnau lùp bè ală bơta sồr lời te\ biên chế cau pơgru, bơta pơgồp bal đah ală gah tàm atbồ bơcri priă dà lơgar mờ pal gàr kloh niam ờdo ờdă phan sa…Iat sền dơ\ lùp, uă cau te\ khà càr Lâm Đồng đơs niam ngan cồng nha bơh [ùi lơh broă dê.

Cau te\ khà Trần Vinh, kis tàm sơnah [òn 6, [òn dờng Dà Làc, càr Lâm Đồng đơs là, ală kuang bàng neh lùp ală bơta duh hồl, bè ală gùng dà broă lơh kơryan gơmù khà priă, pal gàr tơl niam rài kis mpồl bơtiàn, bơta pơhì pơhà tàm bơcri priă dà lơgar, bơta rơndăp tăp sèng wơl lơh broă sa sươn sre, dong kờl lơh sa mờ drà kă bro ai cau lơh broă sa in, gùng dà broă lơh bơsong ală rơndăp broă lơh bơcri priă lơh gơlik jơnau hoàc hươr mờ kơnòl đơng lam, atbồ bơh chính phủ dê…

Cau te\ khà kung kơ\p kờn jơh ală bơta geh lùp geh gờn lơh niam wơl mờ mu\t lơh geh cồng nha. Cau te\ khà Y Bang Byă, kis tàm [òn Ky, [òn dờng Buôn Ma Thuột, càr Dak Lak, đơs:

“Bơh dơ\ hơ jơnau lùp bơh ồng Trương Hoà Bình, Phó Thủ tướng Chính phủ dê tàm Quốc hội, den a` dùl nùs bal uă ngan. Ală cau Tây Nguyên bol a` gam kơ\p kờn là, ală jơnau mờ ồng Trương Hoà Bình hơ\ đơs geh gơlòt mu\t ngan ngồn tàm rài kis nàng cèng wơl gơnoar kuơ ai làng bol kòn cau in”.

Cau cih mờ yal tơng^t Ndong Brawl – Lơmu K’ Yến