VOV4.K’ho - Drim òr (13/6),  ồng Nguyễn Xuân Cường la Bộ trưởng Bộ Nông nghiệp mờ Phát triển nông thôn la  kuang geh jơng   bơh Chính phủ neh ho jơnau lùp sơnrờp bơh ala\ kuang bàng Quốc hội. Neh geh 68 na\ cau kuang dan cih mat lùp Bộ trưởng bè bơta bơsong  ala\ bơta  gam ờ niam  kờ` mpồl lơh sa ka\ bro, hợp tác xã geh gơtùi càn pria\ dong kờl cồng  100 rbô tơmàn pria\, bè jơnau bơsong dong  poac sur, bơsong broa\ lơh dan ai tàm bơtàu tơngguh lơh broa\ sa suơn sre công nghệ  cao, bơta ka\ bro phan lơh geh bơh ala\ mpồng nhàr lơgar,  tơmut blơi ing phan bơna, tơlik tac, broa\ lơh nisơna mùl màl nàng rơndap wơl broa\ lơh sa suơn sre. Ho jơnau lùp bơh ala\ kuang bàng, ồng Nguyễn Xuân Cường ai git,  tus tu\ do,  neh ai càn di rlau 30 rbô tơmàn pria\  bơh ala\ pria\ càn   bơh ala\ broa\ lơh, mpồl lơh sa ka\ bro

. Tu\ do, Chính phủ neh lam sồr ala\ gah lơh geh broa\ lơh bơsong nàng mpồl lơh sa ka\ bro geh càn pria\ buơn bòai. Bè jơnau dong  poac sur geh  2 bơta  tờm,  lài jơh la bơh bơta pràn lơh sa gơguh mhar gơlam  broa\ ngui rlau mờ bơta kờ`. Dơ\ 2 la bơyai lơh sa gah do ờ hềt niam, lơh bal tàm lơh sa, bơceh gam ờ pràn. Kơnòl  dờng tàm broa\  do la bơh gah lơh sa sươn sre.

Tơn jơh dơ\ lùp jơnau, Phó Thủ tướng Trịnh Đình Dũng neh geh jơnau đơs mblàng tai ală bơta mờ ală kuang bàng Quốc hội sền gròi. Phó Thủ tướng pà git, gah lơh sa suơn sre geh pơnjat tai kờp sền, bơsong gơ jat bal mờ broă rơndap ù tiah lơh sa suơn sre mờ jơnau kờ` drà kă bro, rơcang sơndră tam gơl trồ tiah. Kuơ màng đal git loh ală priă bơcri ai phan bơna lơh sa suơn sre in mờ priă bơcri ai làng bol lơh broă sa in jat rơndap broă tam klac phan bơna công nghệ cao. Jat Phó Thủ tướng, jơnau tờm ngan là cồng nha rơndap ù tiah gah lơh sa suơn sre ờ hềt di mờ bơta geh ngan; tàm tu\ làng bol lơh broă sa tàm uă tiah gam bơcri priă jat srơh.

    Sền jat dơ\ ho jơnau lùp bơh ala\  cau kuang Quốc hội drim òr (13/6),  ua\  cau te\ khà  tàm Tây Nguyên neh kờ` ngan bal mờ jơnau ho  lùp  bơh  Bộ trưởng Nông Nghiệp.

Ồng Thao Hồng Sơn, Chủ tịch Mpồl cau lơh broa\ sa càr Kon  Tum geh đơs jơnhua tus mờ kơnòl, bơta chài at git,  git loh tơl bơta bơh Bộ trưởng tus mờ bơtàu tơngguh lơh broa\ sa, [òn lơgar bơh dà lơgar dê mờ mùl màl tàm ala\ càr, [òn dờng. Cau te\ khà Nguyễn Văn Hoan kis tàm xã Hòa đông, kơnhòal Krông Pach, càr Daklak geh đơs bơta kờ` bal  mờ  ờ ua\ broa\ lơh mờ bộ trưởng neh đơs bè bơtàu tơngguh broa\ lơh sa suơn sre công nghệ cao,  tơngguh  [ơta kuơ lơh sa geh mờ ka\ bro phan bơna lơh geh.

                                                Cau cih mờ yal tơnggit K’ Brọp mờ K' Duẩn