VOV4.K’ho – Pơn jat tai pơrjum dơ\ 3, Quốc hội kơnă XIV, drim òr 26/5, Quốc hội lơh broă tàm hìu pơrjum, cribơyai bè bàr pe tơngume gam geh jơnau đơs ờ ndrờm bal bơh rơndăp cih Adat rơndăp ù tiah. Uă kuang bàng đơs là: Rơndăp ù tiah kơnă Dà lơgar kờn pal geh dùl bơta sền sơnơng jo\ tơngai tài bơh bơta bơtàu tơnguh lơh sa- mpồl bơtiàn bơh dà lơgar dê mờ pal sền gàr niam lơngăp lơngai dà lơgar.

Tàm dơ\ cribơyai, bàr pe nă kuang bàng kung yal bơta geh ngan, tơngai lài, bơta geh ngan ală broă lơh, rơndăp broă lơh gơ ơm tàm rơndăp ù tiah, ngan là rơndăp ù tiah tam cah tiah gơnoar broă; tơrgùm công nghiệp, tiah làng bol ơm kis, kă bro, lơyaì halà ờ lơh, jơnau “rơndăp ù tiah lời gời” là uă ngan lơh aniai tus rài kis làng bol tàm tiah rơndăp broă lơh dê kung bè tàm tiah rơndăp ù tiah. Ală kuang bàng sồr Rơndăp cih Adat kờn pal cih loh khà tơm wơl hoàc hươr bơh ală mpồl cau mờ cau dùl nă să is geh gơrềng dê.

        Cau cih mờ yal tơngi\t-Lơ Mu K’ Yến