VOV4.K’ho - Tơnơ\ mờ 1 nhai lơh broă mờ nùs nhơm nền nòn geh kơnòl uă, drim òr, Quốc hội neh pơrjum tơn jơh. Chủ tịch Quốc hội mò Nguyễn Thị Kim Ngân neh đơs: Mờ nùs nhơm tam gơl pa, ală kuang bàng tàm Quốc hội neh cri bơyai, tàm kơn dang uă, pơgồp bal uă jơnau tàm broă lơh adăt boh lam, sền gròi mờ ai tơl^k ală broă kuơ màng dà lơgar dê.

Quốc hội neh ai uă ngan tơngai sền wơl, ring bal 12 adăt boh lam, 12 Nghị quyết mờ pơgồp jơnau đơs bè 6 rơndăp broă adăt ndai. Mìng is mờ rơndăp broă adăt rơndăp khà broă, tài gam geh uă jơnau pơgồp ờ ring bal, Quốc hội neh tơl^k kơrnoăt ờ hềt ring bal.

Kung tàm pơrjum do, Quốc hội neh iăt Chính phủ yal bơtơl bè cồng nha lơh jăt kơnòl lơh sa mpồl bơtiàn. Quốc hội neh dờp mờ đơs niam broă lơh `hăp `har bơh Chính phủ dê tàm broă đơng lam, lam bồ tàm tơngai do mờ kung jơh nùs ai tơl^k ală broă lơh gam ờ pràn tàm ờ uă gah, mpồl broă lơh.

Mò Nguyễn Thị Kim Ngân sồr: Tơnơ\ mờ pơrjum do, ală kuang bàng rơcang uă rơlao tai tàm broă bơ\t bơtàu adăt boh lam, sền gròi, bơyai lơh niam broă tìp mờ cau te\ khà, iăt nùs nhơm kơlôi sơnơng, jơnau kơ\p kờ` bơh cau te\ khà bal mờ làng bol.

Cau cih mờ yal tơng^t Ndong Brawl